Ddbatmiportalm2M

  *🤏नजरेच्या टप्प्यात👍* *कृषी उत्पन्न बाजार समिती मूल* *👆 दीपक✍️ देशपांडे👆 * मूल शहराने कात टाकली सत्ताकारणात  राज्यात कुणाचीही सत्ता असो मागील दोन पंचवार्षिक कार्यकाळात मूल कृषी उत्पन्न बाजार समितीवर काॅंग्रेसच्या  हातात मूलच्या कृउबास चार कार्यभार आहे. राज्यात मूलची बाजार समिती नावारुपाला आली , मध्यंतरी  प्रशासकराज होते तेंव्र्हा बाजारसमितीने बरीच घसरण केली त्यानंतर मात्र प्रदिर्घ   काळानंतर  निवडणुका घेतल्या गेल्या ,  कृउबास माजी  सत्ताधाऱ्यांच्या  वादविवादात ऐन निवडणुकीच्या  धामधुमीत  नामांकन अर्ज परत घेण्याच्या शेवटच्या क्षणी विरोधकांनी नांगी टाकली,मागचा पुढचा विचार न करता सगळ्या  उमेदवारांचे उमेदवारी अर्ज परत घेतले आणि काॅंग्रेसच्या माजी सत्ताधारी  पदाधिकाऱ्यांना पुढचा मार्ग सुकर करुन दिला आणि  काॅंग्रेसच्या दोन गटांमध्ये  जूंपवून दिली मात्र दूसरा गट प्रयत्नात कमी पडला आणि माजी सत्ताधारी  गटाचे नवीन उमेदवार विजयी झालेत ,ते पदाधिकारी म्हणून सत्तारूढ झालेत, तालुक्यातील  काॅंग्रेसच्या संतोष रावत गटाचे वर्चस्व प्रस्थापित झाले. अगदी शेवटच्या क्षणापर्यंत  सभापतीपदी कोण विराजमान होण

  *🤏नजरेच्या टप्प्यात👍* *👆 दीपक✍️ देशपांडे👆 * नववर्षातील नवीन घडामोडी टिपण्यासाठी नवीन नावाची नवीन मथळ्याची शोधाशोध सुरू होती , साजेसे नाव सापडत नव्हते , आणि दिनांक ३०जानेवारी रोजी सायंकाळी एका चाहत्याने सहजच विचारले, आजकाल तुमचे सदर, *नजरेच्या  टप्प्यात* कां बंद केले ?  खरंतर त्याला विचारायचे होते ,*तिसऱ्या डोळ्यांची नजर* हे सदर कां बंद केले? बऱ्याच गोष्टी अशा सहजच घडत जातात तशीच ही घटना देखील घडून गेली.  मी निरोप घेऊन घरी आलो आणि एक बातमी तयार करीत असतांना एकदम आठवले ,त्याने विचारले होते,* नजरेच्या टप्प्यात * कां बंद केले? मला आनंद झाला,कारण मला आपसूकच एक नवीन नाव मिळाले होते, *नजरेच्या टप्प्यात* माझा निर्णय झाला,या महिन्याच्या शेवटच्या दिवशी या नावानेच सुरुवात करायची ,आणि आजवर घडलेल्या  घटना डोळ्यासमोर तरळून गेल्या त्या आता एकत्रीत साधण्याचा प्रयत्न करतोय  ...........तोही आता.......* नजरेच्या टप्प्यात * आपले सहकार्याने , या सदरातून आपल्या  उत्स्फूर्त प्रतिक्रियांचा वेध घेत , आपल्या मनातील प्रश्नांची उकल करण्याचा प्रयत्न आम्ही करणार आहोत. आपल्याला वाचायला रोचक व जनमनाचा वेध घेण

  संजय गांधी निराधार योजना समितीच्या सभेचे आयोजन. १४१प्रकरणे मंजूर  मूल न्यूज ब्युरो संजय गांधी निराधार योजना समिती मूल तालुक्याची मासिक सभा तहसील कार्यालय मूल येथे समितीचे अध्यक्ष वंदना अगरकाटे यांच्या अध्यक्षतेखाली पार पडली.याप्रसंगी समितीचे  सदस्यगण , तसेच शासकीय प्रतिनिधी समितीचे सचिव नायब तहसीलदार ओंकार ठाकरे उपस्थित होते. संजय गांधी निराधार /श्रावणबाळ/वृध्दापकाळ योजनेच्या सभेचे दिनांक ३०जानेवारी २०२४  रोजी दुपारी १.०० वाजता  श्रीमती वंदना अगरकाटे,यांचे  अध्यक्षतेखाली   तहसिल कार्यालय मूल येथे आयोजन करण्यात आले होते. सदर सभेमध्ये खालील प्रमाणे  प्रकरणे मंजूर/नामंजूर करण्यात आले. प्रकरणाबाबत गोषवारा खालीलप्रमाणे आहे १.संजय गांधी निराधार योजना पात्र प्रकरण ५६  + २.इंदिरा गांधी विधवा योजना १८ =८४+ ३.इंदिरा गांधी अपंग योजना ०+ ४.श्रावणबाळ योजना पात्र प्रकरण ६४  +          नामंजूर प्रकरण २ = एकूण  प्रकरण६६=१४० +                                       ५. वृ ध्दापकाळ योजना पात्र प्रकरण३ =१४३   अशा  एकूण १४३प्रकरणापैकी १४१ प्रकरणे मंजूर करुन निकाली काढण्यात आले ,तर २ प्रकरणे त्रुटींची पूर

  नमकहराम इतिहासकार🤔 🍳 आरसा...@विनोद देशमुख संपन्न वारसा आणि इतिहास असलेल्या भारताचं दुर्दैव हे आहे की, आपल्याकडील काही इतिहासकार मातीशी बेईमानी करणारे देशद्रोही निघाले🥺 त्यांनी चुकीचा इतिहास भारतीयांच्या माथी मारला, याची शेकडो उदाहरणं सांगता येतील. ब्रिटिश राजवटीत हे काम राज्यकर्त्यांनी हेतुपूर्वक घडवून आणलं. कारण, त्यांना भारतीय समाजात फूट पाडून राज्य चालवायचं होतं. परंतु, स्वतंत्र भारतातही तेच सुरू राहिलं, हे आपलं दुर्दैव.  धर्मनिरपेक्षतेच्या नावाखाली अशा लोकांना प्रोत्साहन दिलं गेलं, ज्यांनी हिंदूंचा इतिहास, परंपरा, धर्म यांना कमी लेखण्याचा जाणूनबुजून प्रयत्न केला. विशेषत: डाव्या विचारसरणीच्या तथाकथित पुरोगामी (कु)विचारवंतांनी, इतिहासकारांनी, पत्रकारांनी प्राचीन आणि अर्वाचीन इतिहासाची जेवढी मोडतोड करता येईल तेवढी केली आणि चुकीची, विकृत, परकीयांचे उदात्तीकरण जास्त करणारी माहिती प्रसारित केली. त्यामुळेच अकबर  'ग्रेट' ठरवला गेला, पण त्याच्या कितीतरी पट महान असलेले आपले छत्रपती शिवाजी महाराज आणि त्यांचं महत्त्व देशाला नीट समजूच दिलं गेलं नाही.  अयोध्येची रामजन्मभूमी हे याचं

 * मूल मध्ये उभे राहणार १०० खाटांचे अत्याधुनिक उपजिल्हा रुग्णालय* * ना. सुधीर मुनगंटीवार यांच्या प्रयत्नामुळे १०७ कोटी २९ लक्ष मंजूर* * प्रशासकीय मान्यतेचा शासन निर्णय जारी * चंद्रपूर, दि. २८: न्यूज ब्युरो    जिल्ह्यात आरोग्याच्या उत्तमोत्तम सुविधा असाव्यात, येथील रुग्णांना उपचारासाठी नागपूर, मुंबईच्या चकरा माराव्या लागू नये तसेच स्थानिक स्तरावरच रुग्णांना अत्यल्प दरात आरोग्याच्या अत्याधुनिक सोयीसुविधा उपलब्ध होण्यासाठी राज्याचे वने, सांस्कृतिक कार्य, मत्स्यव्यवसाय मंत्री तथा जिल्ह्याचे पालकमंत्री सुधीर मुनगंटीवार नेहमीच प्रयत्नशील असतात. याच अनुषंगाने मूल येथीाल ५० खाटांचे उपजिल्हा रुग्णालयाचे  १०० खाटांमध्ये श्रेणीवर्धन करण्यासाठी मंत्री श्री. मुनगंटीवार यांनी शासनाकडे सातत्याने पाठपुरावा केला. त्यांच्या या प्रयत्नांना यश प्राप्त झाले असून मूल येथे आता १०० खाटांचे अत्याधुनिक उपजिल्हा रुग्णालय उभे राहणार आहे. यासाठी शासनाने १०७ कोटी २९ लक्ष रुपयांच्या प्रशासकीय मान्यतेला मंजुरी दिली असून तसा शासन निर्णय जारी केला आहे.  सद्यस्थितीत मूल येथील उपजिल्हा रुग्णालय ५० खाटांचे आहे. या रुग्णा

 * सर्वांगिण विकासातून मूल तालुका महाराष्ट्रात अव्वल करणार* - *ना.सुधीर मुनगंटीवार* * नगरपरिषद क्षेत्रातील विविध विकासकामांचे लोकार्पण* मूल ,डिडिबातमीपोर्टल न्यूज ब्युरो  मूल तालुक्यात विविध लोकोपयोगी विकासकामे हाती घेण्यात आली आहे. मुख्य रस्ता, पाणीपुरवठा योजना, स्टेडियम, डॉ श्यामाप्रसाद मुखर्जी वाचनालय, तसेच शंभर खाटांचे उपजिल्हा रुग्णालय, कृषी महाविद्यालय, महिलांच्या पंखांना बळ देणारे सर्वोत्कृष्ट शुरवी महाविद्यालय यासारखे मोठे प्रकल्प उभे राहत आहे. मूल तालुक्याचा चेहरा- मोहरा बदलविण्यासाठी सर्वांच्या सहकार्याची आवश्यकता असून सर्वांगिण विकासातूनच हा तालुका महाराष्ट्रात अव्वल करण्याच्या दृष्टीने कार्य करण्यात येत असल्याचे राज्याचे वने, सांस्कृतिक कार्य व मत्स्य व्यवसाय मंत्री तथा जिल्ह्याचे पालकमंत्री सुधीर मुनगंटीवार म्हणाले.  मूल नगरपरिषद क्षेत्रातील विविध विकासकामांच्या लोकार्पण कार्यक्रमाप्रसंगी ते बोलत होते. यावेळी भाजपा जिल्हाध्यक्ष हरीश शर्मा, माजी भाजपा जिल्हाध्यक्ष देवराव भोंगळे, माजी जिल्हा परिषद अध्यक्षा संध्याताई गुरनुले,  मूलचे उपविभागीय अधिकारी विशालकुमार मेश्राम, तहसील

 * ग्राहकतीर्थ बिंदूमाधव जोशी यांना  मरणोत्तर भारत सरकारचा पद्मश्री पुरस्कार मिळावा.* ग्राहक पंचायत महाराष्ट्र ची मागणी.             बिंदुमाधव जोशी.  दीपक देशपांडे    ज्या भारत देशातील गिऱ्हाईकाला नानांनी ग्राहक बनविले,आर्थिक लुबाडणूकीपासून , फसवणुकी पासून ग्राहकतीर्थ नानांनी समस्त भारत देशातील जनतेला वाचविले, जे पीडित  ग्राहकांसाठी दैवत बनले, ग्राहकांचे हक्क कुठलीही राजकीय आंदोलन न करता, जाळपोळ रक्तपात न करता, सामान्य पीडित जनतेकरिता न्याय मिळावा म्हणून ग्राहक संरक्षण कायदा निर्माण केला आणि ग्राहकाला राजा होण्याचा मान मिळवून दिला. त्या निष्काम कर्मयोद्धाला, ग्राहकतीर्थ बिंदूमाधव जोशी उर्फ नाना यांना मरणोत्तर  पद्मश्री दिल्यास भारत देशाचे गौरवच वाढेल सोबत पद्मश्रीचi सन्मानही वाढेल.  या कारणांमुळे  ग्राहक चळवळीतील साधकांनी ही मागणी उचलून धरावी, अशी अपेक्षा व्यक्त करीत सर्वसामान्य ग्राहक आणि जनतेची मागणी ,लीलाधर लोहरे, ग्राहक पंचायत महाराष्ट्र, विदर्भ प्रांत सचिव यांनी शासनाकडे केली आहे. *दीपक देशपांडे,✍️मुख्य संपादक*   *✍️ Ddbatmiportalm2m ✍️*

  मूल शहरातील गणतंत्र दिवस ध्वजारोहण सोहळा  दीपक देशपांडे  २६ जानेवारी २०२४ रोजी भारतीय गणतंत्र दिनाचा ७४वा वर्धापनदिन सोहळा निमित्ताने मूल शहरातील ऐतिहासिक जून्या बाजार चौकात  प्रभारी मुख्याधिकारी यशवंत पवार यांचे हस्ते ध्वजारोहण करण्यात आले, याप्रसंगी नगरातील गणमान्य मंडळी, महिला ,माजी व भावी नगरसेवक ,शासकीय, निमशासकीय कार्यालयातील अधिकारी, कर्मचारी, नगरपरिषद कर्मचारी ,एनसिसी कॅडेट्स, होमगार्ड, शहरातील विविध शाळा महाविद्यालयाच्या शिक्षक, विद्यार्थी , विविध व्यावसायीक व नागरीक यांचे उपस्थितीत संपन्न झाला. प्रशासकीय भवन परिसरात उपविभागीय अधिकारी विशालकुमार मेश्राम यांचे हस्ते ध्वजारोहण करून मुख्य शासकीय सोहळा संपन्न झाला. यावेळी मूल शहरातील गणमान्य मंडळी, राजकीय, सामाजिक आर्थिक व्यवहार करणारी मंडळी , पोलिस विभागाचे, होमगार्ड,एनसिसीचे कॅडेट्स,   वि विध विभागांचे अधिकारी, कर्मचारी , शहरातील विविध शाळा महाविद्यालयाच्या विद्यार्थ्यांनी आपली उपस्थिती लावली होती. या मुख्य सोहळ्यानंतर तालुक्यातील विद्यार्थ्यांच्या कलागुणांना वाव देण्यासाठी वेगवेगळ्या तीन गटातून नृत्य स्पर्धेचे आयोजन करण्यात आ

* आठवले ते सांगितले..*   * तपस्वी कलासाधक राजदत्तजी..* २५ जानेवारीच्या रात्री अकरा वाजताच्या सुमारास वृत्तवाहिनीवरील बातम्या बघत असताना अचानक पद्म पुरस्कारांची घोषणा करणारी बातमी दाखवली गेली. त्यात ख्यातनाम  चित्रपट दिग्दर्शक राजदत्त यांना पद्मभूषण पुरस्कार जाहीर झाल्याची बातमी ऐकली. बातमी निश्चितच आनंददायी होती. लगेचच राजदत्तांना फोन लावायला घेतला खरा. पण मग विचार केला की रात्रीचे अकरा वाजत आहेत. आता बहुतेक ते झोपले असावेत इतक्या वयोवृद्ध व्यक्तीला त्रास का द्यावा असा मी विचार केला.उद्याच बोलूया असे म्हणून फोन ठेवला. काल दुपारी त्यांच्याशी फोनवर बोलून त्यांचे अभिनंदनही केले. राजदत्तजींचा माझा संबंध काही आजचा नाही. त्यांचे नाव तर मी कधीचे ऐकत होतो. मात्र त्यांचा प्रत्यक्ष परिचय १९८८ च्या दरम्यान झाला. त्यावेळी नागपुरात रा.स्व. संघाचे संस्थापक डॉ.  हेडगेवार वरील लघुपटाचे चित्रीकरण करायला राजदत्तजी आले होते. त्या काळात मी दूरदर्शनचा वृत्त छायाचित्रकार म्हणून कार्यरत होतो.१६ एमएम सेल्युलॉईड फिल्म वर आम्ही वृत्तचित्रण करायचो. त्यावेळी माझ्याकडे १६ एमएम चा पाइलार्ड बोलेक्स कॅमेरा होता. अचान

  आपला संकल्प विकसित भारत :-संकल्प यात्रेचे मूलमध्ये अभूतपूर्व स्वागत! जनतेचा सहभाग. दीपक देशपांडे  देशात गरिबांना सुरक्षा आणि प्रतिष्ठा प्रथमच लाभली आहे, ज्यांना देशाच्या विकासावर ओझे असल्याचे अनेक दशके भासविले जात होते,तेच आज देशाचा विकास गतिमान करीत आहेत. :-नरेंद्र मोदी. या घोषवाक्यासह निघालेल्या या विकसित भारत यात्रेचे मूलमध्ये स्वागत. "विकसित भारत या संकल्प यात्रेने  देश जोडला जात असून जनतेला शासकीय योजना थेट गावखेड्यांत अतिशय जलदगतीने  माहिती उपलब्ध करुन देण्यात यशस्वी ठरत आहे. या यात्रेमुळे शासकीय यंत्रणाही कार्यक्षम झाली आहे असे मत या यात्रेचे संयोजक दिनेश अडगळ  आमचे सोबत वार्तालाप करताना व्यक्त करतात.." केंन्द्र सरकारच्या लोककल्याणकारी विविध योजनांची माहिती सर्वसामान्य नागरिकांपर्यंत पोहोचविण्यासाठी ‘विकसित भारत संकल्प यात्रेचे  माध्यमातून देशव्यापी मोहीम राबविण्यात येत आहे. मूल शहरातील गुजरी चौकात नगरपरीषद मूल येथे गुरूवार  दिंनाक २५ जानेवारी २०२४ ला सकाळी ९.३० वाजता संकल्प यात्रेेचे आगमन झाले. यावेळी शहारातील नागरिकांना रथातून चित्रफीतीव्दारे संकल्प यात्रेचा उदेश त

ममता मावशीचा मार🤔,  🍳आरसा...@विनोद देशमुख -------------------------------------- माय मरो, पण मावशी जगो " असं आपल्याकडे म्हणतात. परंतु, आजच्या काळात मावशा इतक्या, म्हणजे आईपेक्षाही प्रेमळ सापडणं कठीणच आहे. त्यात मावशी राजकीय असेल तर महाकठीण. पूतना मावशी निघण्याचीच शक्यता अधिक😩 वैचारिक दिवाळं निघालेला महान काँग्रेस पक्ष सध्या याचाच अनुभव घेत आहे. ममता नाव असलेली, जुनी आपलीच, पण आता दुरावलेली मावशी इतकी कठोर निघेल, असं त्यांना वाटलंच नाही.   लोकसभा निवडणुकीचे पडघम वाजू लागले असताना, काँग्रेसचे राजपुत्र भारत जोडो न्याय यात्रेवर निघालेले असताना, काँग्रेसचं नाव घेऊन या मावशीनं घमंडिया आघाडीच्या थोबाडातच मारली आणि काँग्रेसचा घमंड तोडला😣 अन् आघाडीची बिघाडी करून टाकली. आताही घमंडिया आघाडीतील सर्व मोदीविरोधक ममतादीदीला बंगालची वाघीण म्हणतील का😀 पण, खरं सांगतो, ममता ही वाघीणच आहे. ज्या पद्धतीनं दीदीनं २०११ पासून बंगालवर एकहाती ताबा मिळवला आहे, तशी कामगिरी आधीच्या काँग्रेस राजवटीतील एकाही नेत्याला करता आली नाही. कारण, बंगालमधील सर्व 'दिग्गज' काँग्रेसनेते नेहमी दिल्लीश्वरांच्या कृ

 * कर्मवीर महाविद्यालय मूल येथे राष्ट्रीय मतदार दिन साजरा* मूल, न्यूज ब्युरो मतदार नोंदणी अधिकारी ७२-बल्लारपूर विधानसभा मतदार संघ तथा उपविभागीय अधिकारी कार्यालय, मूल तसेच मूल - शिक्षण प्रसारक मंडल मूल द्वारा संचालित कर्मवीर महाविद्यालय मूल येथे राज्यशास्त्र विभाग, एनसीसी, एनएसएस यांच्या संयुक्त विद्यमाने  विद्यार्थ्यामध्ये लोकशाही तसेच मतदानाबाबत जनजागृती व्हावी, मतदानाची टक्केवारी वाढावी या उद्देशाने दिंनांक २५ जानेवारी हा दिवस राष्ट्रीय मतदार दिवस म्हणून साजरा करण्यात आला.         कार्यक्रमाला अध्यक्ष म्हणून डॉ.अनीता वाळके प्राचार्य कर्मवीर महाविद्यालय मूल, तसेच प्रमुख पाहुणे श्री. विशालकुमार मेश्राम उपविभागीय अधिकारी मूल, श्री. राठोड साहेब गटविकास अधिकारी मूल, श्री. यशवंत पवार,  नायब तहसिलदार (निवडणूक)मूल तथा प्रभारी मुख्याधिकारी नगर परिषद मूल उपस्थित होते.       कार्यक्रमाच्या प्रास्ताविकात प्रा. प्रवीण उपरे यांनी राष्ट्रीय मतदार दिवसाचे औचित्य स्पष्ट केले. तसेच उज्वल भविष्य घडविण्यात मतदारांचा महत्वाचा वाटा असतो. त्याकरिता विद्यार्थ्यांना भारतीय लोकशाही आणि मतदान प्रक्रिया माह

  पटवारी' चम्पत राय🙏 🍳 आरसा...@विनोद देशमुख ' भाग १ वरून पुढे) चम्पत राय यांनी स्वत: गोळा केलेल्या हजारो कागदपत्रांमधील शब्दनशब्द वाचला आहे. तसंच अयोध्येशी संबंधित एकूणएक पुस्तक चाळलं आणि खटल्यात फायदेशीर ठरतील असे निवडक दस्तैवजी पुरावे एकत्र करून वकिलांच्या स्वाधीन केले. रामजन्मभूमीच्या न्यायालयीन लढाईत चम्पत राय यांनी केवढी महत्त्वाची कामगिरी बजावली, याची यावरून कल्पना यावी. या 'अभ्यासा'मुळे त्यांना रामजन्मभूमीचं संपूर्ण प्रकरण अथपासून इतिपर्यंत, बारीकसारीक तपशिलासह तोंडपाठच झालं आहे🧐 त्यामुळे त्यांना "अयोध्येचा विश्वकोश" असंही म्हटलं जातं. या कामाची प्रेरणा त्यांना रा. स्व. संघाचे चतुर्थ सरसंघचालक प्रो. राजेन्द्रसिंग उपाख्य रज्जूभय्या यांनी दिली. 1975 च्या आणिबाणीत दीड वर्ष तुरुंगवास भोगणारे संघ स्वयंसेवक चम्पत राय तेव्हापासूनच रज्जूभय्यांच्या नजरेत होते. त्यांनी आंदोलन काळात, बाबरी मशीद पडण्याच्या आधीच, राय यांना कागदं गोळा करण्याच्या कामाला वाहून घेण्याचा सल्ला दिला आणि सूचनाही केल्या. या कामासाठी चम्पत राय यांनी प्राध्यापकाच्या नोकरीवरच लाथ मारली👍 त्

🍳 आरसा...@विनोद देशमुख -------------------------------------- " रामलला के पटवारी"🙏 फार पूर्वीपासून, अगदी राजेशाहीपासून आजच्या लोकशाहीपर्यंत, जमीन हाच सरकारी खजिन्यातील महसुली उत्पन्नाचा मुख्य स्रोत आहे. या जमिनीचे व्यवहार महसूल खात्याकडे असतात आणि या खात्यातील सर्वात महत्त्वाचा माणूस असतो पटवारी किंवा तलाठी. जमिनीच्या मालकीचा मूळ दस्तैवज असलेला सात/बारा पटवाऱ्याच्याच हाती असतो. त्यातील नोंदी, दुरुस्त्या, नामांतर, हस्तांतरण आदींचे अधिकार त्याच्याकडे असतात. अनेक जमिनींची कागदपत्रं एकावेळी सांभाळण्याची कसरत पटवाऱ्यालाच करावी लागते. त्यामुळे जमिनीच्या खरेदीविक्री व्यवहारात त्याची भूमिका अत्यंत मोलाची, सर्वाधिक महत्त्वाची असते.  पण, देशात एक पटवारी असाही आहे, जो महसूल खात्याचा सेवक नव्हता, तरीही पटवाऱ्याचं काम वर्षानुवर्ष स्वेच्छेनं अन् विनावेतन करीत आला आहे. या अफलातून पटवाऱ्याचं नाव आहे चम्पत राय. हे नाव ऐकल्यासारखं, वाचल्यासारखं वाटतंय् ना ? अगदी बरोबर. तेच हे चम्पत राय. अयोध्येच्या श्रीरामजन्मभूमी तीर्थक्षेत्र न्यासाचे सरचिटणीस. कट्टर रामभक्त, अभ्यासू  प्राध्

 * संस्कृत साहित्यातील रामायणे वैज्ञानिक अंगाने अभ्यासणे गरजेचे... डॉ चंद्रगुप्त वर्णेकर..* नागपूर. २१ जानेवारी., न्यूज ब्युरो  संस्कृत साहित्यात फक्त वाल्मिकी कालिदासाचेच नाही तर एकूण ६५ रामायणे उपलब्ध आहेत. ही सर्व अभ्यासताना या सर्व कवींनी वैज्ञानिक दृष्टिकोन ठेवून रामायणाची रचना केली असे लक्षात येते. त्यामुळे अभ्यासकांनी वैज्ञानिक दृष्टिकोन ठेवून संस्कृत साहित्यातील रामायण अभ्यासल्यास त्याचा आजच्या वैज्ञानिक युगात फायदा होऊ शकतो असे प्रतिपादन संस्कृत साहित्याचे अभ्यासक डॉ. चंद्रगुप्त वर्णेकर यांनी केले. अखिल भारतीय साहित्य परिषद विदर्भ प्रांत आणि पश्चिम नागपूर नागरिक संघ यांचे संयुक्त विद्यमाने संस्कृत साहित्यातील रामायण या विषयावर डॉ. चंद्रगुप्त वर्णेकर यांचे व्याख्यान राम नगर चौकातील श्री राम मंदिर सभागृहात आयोजित करण्यात आले होते. त्यावेळी ते बोलत होते. या कार्यक्रमाच्या अध्यक्षस्थानी ख्यातनाम संस्कृत विदुषी आणि कवी कुलगुरू कालिदास संस्कृत विश्वविद्यालयाच्या निवृत्त अधिष्ठाता डॉ. नंदा पुरी या होत्या. यावेळी बोलताना डॉ. वर्णेकर म्हणाले की आपल्याला फक्त कालिदास, भवभूती, वाल्मिकी,