पत्रकारांच्या वेतनश्रेणीचे शिल्पकार म. प्र. अंधारे
पत्रकारांच्या वेतनश्रेणीचे शिल्पकार म. प्र. अंधारे चाळीस वर्षांपूर्वी देशभरातील वर्तमानपत्रांमध्ये काम करणारे पत्रकार-पत्रकारेतर कर्मचारी पगार घेत असले तरी त्यांना निश्चित अशी वेतनश्रेणी लागू नव्हती. प्रत्येक संस्था स्वत:च्या हिशेबाने पगार देत असे. त्यामुळे वर्तमानपत्र कर्मचाऱ्यांच्या वेतनात समानता नव्हती. १९८० मध्ये पालेकर लवाद लागू झाला आणि पहिल्यांदा पत्रकार-पत्रकारेतरांना वेतनश्रेणी मिळाली. याचे श्रेय भारतीय श्रमिक पत्रकार महासंघाला (IFWJ) आहे. त्यातही नागपूरचे पत्रकारनेते मनोहरराव (म. प्र.) उपाख्य बाबासाहेब अंधारे यांना जास्त आहे. तेच अंधारे आज शुक्रवारी सायंकाळी वयाच्या ८७ व्या वर्षी निजधामास गेले. त्यांनी आपल्या चाळीस वर्षांच्या कारकीर्दीत पत्रकारांना वेतनश्रेणी, आँल इंडिया रिपोर्टरला व्रुत्तपत्र ठरविणे आणि पत्रकार सहनिवासाची उभारणी हे तीन मैलाचे दगड ठरणारे कार्य करून दाखविले. पालेकर लवादापुढे भूमिका मांडण्यासाठी महासंघाने राष्ट्रीय वेतन निर्धारण समिती स्थापन केली होती. अंधारे या समितीचे अ. भा. संयोजक होते आणि त्यांनी अहोरात्र मेहनत घेऊन कर्मचाऱ्यांच्या वेतनश्रेण्यांचा आर